Қазақстанда НДС төлемеген маркетплейстер бұғатталады
Қазақстанның Ұлттық экономика министрі Серік Жұманғарин шетелдік маркетплейстер тарапынан қосылған құн салығы (ҚҚС) төлемдерін бақылауға бағытталған жаңа шаралар енгізілетінін хабарлады. Тиісті нормалар жаңартылған Салық кодексінде көзделген.
Министрдің мәжіліс депутаттарының сауалына берген жауабына сәйкес, мынадай жағдайларда интернет-ресурстарды бұғаттау қарастырылған:
— егер компания Қазақстанда ҚҚС төлеуші ретінде тіркелмесе;
— егер камералдық бақылау барысында анықталған заңбұзушылықтарды жоймаса.
Министрлік мәліметінше, қазіргі таңда Қазақстанда электрондық қызмет көрсететін 105 шетелдік компания тіркелген. Олардың қатарында Apple, Amazon, Alibaba, Aliexpress, Adobe, Ebay, Google, iHerb, Huawei, Meta (Facebook, Instagram), Netflix, Nintendo, Pinduoduo, TaoBao, TikTok, Temu, Samsung, Sony, Zoom сияқты ірі халықаралық брендтер бар.
Қатаң шаралар салықтық әділеттілікті қамтамасыз етуге, жергілікті компанияларды қорғауға және фискалдық тәртіпті сақтау мақсатында енгізілуде.
Жаңа ережелер бюджеттік түсімдерді арттырып, нарықтағы барлық қатысушылар, соның ішінде қазақстандық жеткізушілер үшін тең жағдай қалыптастырады деп күтілуде.
Редакция басқа көздерден алынған, жіберілген немесе алынған материалдардың мазмұны мен дұрыстығына жауапты емес. Мұндай материалдарды жариялау тек ақпараттық мақсаттарға арналған және олардың мазмұнын автоматты түрде растауды немесе мақұлдауды білдірмейді.