Бейжің АҚШ-қа соңына дейін қарсы тұруға дайын екенін мәлімдеді
Қарым-қатынастың шиеленісуіне АҚШ президенті Дональд Трамптың қытайлық импортқа тарифтерді 10%-дан 20%-ға дейін арттыру туралы жарлығы себеп болды. Вашингтон Бейжіңді синтетикалық опиоид – фентанилдің контрабандасына қарсы жеткілікті шаралар қабылдамай отыр деп айыптауда. Ал Қытай бұл айыптауларды жоққа шығарып, оларды қосымша сауда шектеулерін енгізу үшін сылтау ретінде қарастырады.
Қытай Сыртқы істер министрлігінің ресми өкілі Линь Цзянь: деп мәлімдеді. Ол сондай-ақ Бейжіңнің кез келген қысымға – тарифтік, сауда немесе басқа да экономикалық соғыстарға – қарсы тұруға дайын екенін айтты.
АҚШ-тың әрекеттеріне жауап ретінде Қытай америкалық ауыл шаруашылығы өнімдеріне 15%-ға дейін тарифтер енгізіп, 15 америкалық корпорацияға қытайлық өнім жеткізуді шектеді. Сонымен қатар, Пекин Тайваньмен әскери ынтымақтастық орнатқан 10 америкалық компанияны тізіміне қосты, бұл олардың Қытаймен сауда жасауына тыйым салып, басшыларының визаларын жоюды көздейді.
Әлемдегі ең ірі екі экономиканың арасындағы сауда қақтығысының ушығуы халықаралық аренада алаңдаушылық туғызуда, себебі бұл жаһандық экономика мен тұрақтылыққа ауыр салдар әкелуі мүмкін.
Редакция басқа көздерден алынған, жіберілген немесе алынған материалдардың мазмұны мен дұрыстығына жауапты емес. Мұндай материалдарды жариялау тек ақпараттық мақсаттарға арналған және олардың мазмұнын автоматты түрде растауды немесе мақұлдауды білдірмейді.