Лавров Макронның ядролық мәлімдемелерін Ресейге қауіп деп атады
Лавровтың айтуынша, Мәскеу стратегиялық тұрақтылық қағидаттарын ұстанады және ядролық қаруды қысым көрсету құралы ретінде пайдаланбайды. Ол француз көшбасшысының мұндай мәлімдемелері халықаралық қатынастарда қажетсіз шиеленіс тудыратынын атап өтті.
Министр сонымен қатар Макрон даулы мәселелерді Владимир Путинмен тікелей талқылау мүмкіндігі бар екенін, даурығып, қатерлі мәлімдемелер жасаудың қажеті жоқ екенін жеткізді.
Бұған дейін Франция президенті Париждің ядролық тежеу саясатына қатысты «стратегиялық айқындықты» ұстанатынын мәлімдеп, Еуропа қауіпсіздігіне қатер төнген жағдайда ядролық қаруды қолдану ықтималдығын жоққа шығармаған болатын. Оның бұл сөзі НАТО одақтастары арасында әртүрлі реакция тудырды, өйткені көптеген елдер бұл мәселеде барынша сақ саясат ұстанады.
Саяси сарапшылар мұндай риторика Ресей мен Батыс арасындағы қақтығысты күшейтіп, халықаралық шиеленісті ушықтыруы мүмкін екенін ескертеді. Дегенмен, Мәскеу дипломатиялық диалогтың маңыздылығын алға тартып, мұндай мәлімдемелердің салдары болуы мүмкін екенін ескертуде.
Редакция басқа көздерден алынған, жіберілген немесе алынған материалдардың мазмұны мен дұрыстығына жауапты емес. Мұндай материалдарды жариялау тек ақпараттық мақсаттарға арналған және олардың мазмұнын автоматты түрде растауды немесе мақұлдауды білдірмейді.